Avropa Palataları Assosiasiyasının təşkilatçığı ilə 28-29 iyun 2022-ci ildə hibrid formatda yerli və regional palataların iştirakı ilə "Connectin European Chambers" adlı beynəlxalq konfrans baş tutdu. Konfransda Avropa Palataları Assosiasiyasının baş direktoru Ben Butter açılış nitqi edərək, Avropa Palataları Assosiasiyasının təşəbbüsü ilə keçirilən layihələr, nəticələri, gedişatı və s. məsələlər barədə məlumat verdi. İki gün davam edən konfransda Erasmus+, Life Enviroment və təşkilatın həyata keçirdiyi digər proqramlar, rəqəmsallaşma, beynəlmiləşmə və digər mövzularda layihə rəhbərləri, korrdinatorlar və məsul şəxslər çıxış etdilər. Sözügedən tədbirdə AR TSP-dən də nümayəndələr iştirak etdilər.
