Cari ilin 6 iyun tarixində Ümumdünya Ticarət Təşkilatının (ÜTT) Baş Katibi xanım Nqozi Okonyo-İvealanı ilə keçirilən görüşdə UNEC-in rektoru professor Ədalət Muradov, universitetin professor-müəllim heyəti, ÜTT-nin Baş katibi ilə yanaşı, iqtisadiyyat nazirinin müavini Səməd Bəşirli və ÜTT Katibliyinin Azərbaycan üzrə İşçi Qrupunun sədri, Türkiyənin ÜTT yanında daimi nümayəndəsi, səfir Alparslan Acarsoy, AR TSP-nin məsul nümayəndəsi və digər qurumlardan nümayəndələr də iştirak etdilər.
Baş Katib xanım Nqozi Okonyo Azərbaycanın ÜTT-yə üzvlüyü, üzvolma prosesinin sürətləndirilməsi məqsədilə həyata keçirilən tədbirlər, ticarət məhdudiyyətlərinin aradan qaldırılması, ticarət vergilərinin azadılması, daxili ticarətin dayanıqlılığının təmin edilməsi, digər ölkələrin bu istiqamətdə təcrübəsi ilə bağlı fikirlərini bölüşüb.
