30 iyun 2022-ci il tarixində Avropa İttifaqının maliyyələşdirdiyi "Ümumdünya Ticarət Təşkilatına (ÜTT) üzvlük danışıqları və ticarətlə əlaqəli digər tədbirlərlə bağlı Azərbaycan hökümətinin potensialının gücləndirilməsi" layihəsi çərçivəsində "Çoxtərəfli ticarət sistemi və ikitərəfli ticarət əlaqələri: mövcud vəziyyətin icmalı və gələcək perspektivləri" mövzusunda tədbir baş tutdu. İqtisadiyyat nazirliyinin təşkilatçılığı ilə keçirilən tədbirdə dövlət strukturlarının, nazirliklərin, agentliklətin və palatanın nümayəndələri iştirak etdilər. Tədbir zamanı Azərbaycanın ÜTT-yə üzv olma potensialı, bu yolda görülən işlər, Qazaxıstan və Türkiyə kimi ölkələrin üzvlük təcrübələri və digər məsələlər müzakirə olundu, təqdimatlar keçirildi və suallar cavablandırıldı.
